Fillimisht, rodeo ishte një aktivitet festiv, me gara sportive dhe ritakime. Na lindi ideja të krijojmë një shfaqje të frymëzuar nga kulturat urbane — të gjallë, dinamike dhe të përshtatshme për të prezantuar tek publiku i të gjitha moshave disiplinat më bashkëkohore të hip-hop-it.
Në “RODÉO”, kërcimtarë eksplorojnë dhe ndajnë teknika të ndryshme hip-hop. Duke i bashkuar këto stile, ata krijojnë një shfaqje me shumë “terrene”, që i hedh lart në ajër dhe përsëri drejt tokës, në një frymë të gëzueshme shkëmbimi.
