Armin Hokmi nisi rrugëtimin artistik në vitin 2009 si aktor në skenën e pavarur teatrore në Iran. Ka përfunduar studimet BA për Aktrim në Norwegian Theatre Academy (2015–2018) dhe Master në Solo/Dance/Authorship në HZT Berlin (2019–2021).
Sot, ai krijon performanca që ndërthurin kërcimin dhe teatrin, duke ndërtuar rrëfime poetike dhe reflektive. Veprat e tij të fundit, “Passages” (2019), “Public Dance”, “Permutable Stage” (2021), “International Dance” (2022) dhe “Shiraz” (2024), eksplorojnë mënyrat se si lëvizja, kujtesa dhe historia ndërlidhen në një dramaturgji lëvizëse dhe poetike.
Hokmi është Artist i Asociuar pranë festivalit Montpellier Danse për periudhën 2024–2026. Koreografitë e tij janë prezantuar në skena kryesore evropiane si Tanzfabrik Berlin, Mousonturm Frankfurt, FFT Düsseldorf dhe MDT Stockholm.
Këtë tetor, ai do të shfaqë përpara publikut shqiptar veprën “Shiraz“, si dhe do të udhëheqë një klasë kërcimi të hapur për të gjithë.